अमेरिकेचे उपाध्यक्ष म्हणून जे. डी. व्हॅन्स हे पहिल्यांदाच भारताच्या अधिकृत भेटीवर आले आहेत. यावेळी त्यांच्याबरोबर त्यांची पत्नी तथा अमेरिकेची सेकेंड लेडी उषा व्हॅन्स आणि त्यांची तीन मुलं, इवान, विवेक आणि मिराबेल देखील आले आहेत. तसेच अमेरिकेच्या प्रशासनातील काही अधिकारी देखील या दौऱ्यात सहभागी आहेत. सकाळी सव्वादहाच्या सुमारास त्यांचे विमान दिल्लीतील पालम एअरबेसवर व्हॅन्स यांचे विमान उतरले. 

याविषयी परराष्ट्र मंत्रालायचे सचिव रणधीर जैस्वाल यांनी माहिती दिली. ते म्हणाले, "अमेरिकेचे उपाध्यक्ष जे. डी. व्हॅन्स आणि अमेरिकन  शिष्टमंडळाचे स्वागत रेल्वे व माहिती प्रसारण मंत्री आश्विनी वैष्णव यांनी केले. २१ ते २४ एप्रिल दरम्यान दिल्ली, जयपूर आणि आग्रा येथे होणारी अधिकृत भेट भारत-अमेरिका व्यापक जागतिक धोरणात्मक भागीदारीला आणखी मजबूत करेल अशी अपेक्षा आहे."

PHOTO | US Vice President JD Vance (@VP) arrived in New Delhi on a four-day visit to India on Monday. Vance is accompanied by his Indian-origin wife Usha Chilukuri and their three children Ewan, Vivek, Mirabel, and a delegation of senior US government officials.

The US Vice… pic.twitter.com/usMzgX2dq5

— Press Trust of India (@PTI_News) April 21, 2025

आज सकाळी दिल्लीत पोहोचल्यानंतर व्हान्स यांनी अक्षरधाम मंदिराला भेट दिली. व्हान्स आपल्या कुटुंबासह आग्रा आणि जयपूरला भेट देण्यासाठीही जाणार आहेत. व्हॅन्स हे नुकतेच इटलीला गेले होते. इटली दौरा आटपून ते आता भारतात दाखल झाले आहेत. संध्याकाळी ते पंतप्रधान नरेंद्र मोदी यांची भेट घेतील. व्हॅन्स यांच्या या भारत भेटीतून दोन्ही देशांना काय लाभ होणार हे पुढील दोन तीन दिवसांत स्पष्ट होईल.

'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा  -

Awaz Marathi WhatsApp Group 
Awaz Marathi Facebook Page

Awaz Marathi Twitter