अफगाणिस्तानशी संबंध सुधरण्यावर भारताचा भर

Story by आवाज़ मराठी | Published by Fazal Pathan • 10 h ago

अफगाणिस्तानचे कार्यवाहक संरक्षण मंत्री मौलवी मोहम्मद याकूब मुजाहिद आणि पीएआयचे उपपरराष्ट्र मंत्री पी. सिंग यांची भेट.

अफगानिस्तानमधील तख्तापालटानंतर तालिबानचे शासन स्थापन झाले आहे. तालिबान सत्तेवर आल्यानंतर सर्व देशांनी तालिबानसोबत आपले संबंध तोडले आहेत. भारतानेही अफगानिस्तानमधील तालिबान सरकारला मान्यता दिली नाही. युरोपमधील सर्व देशांनी अफगानिस्तानसोबत आपले संबंध तोडले आहेत. दरम्यान, भारताने संयुक्त राष्ट्रात तालिबानबाबत मोठा वक्तव्य केले आहे. भारताने संयुक्त राष्ट्र सुरक्षा परिषदेत सांगितले की, आम्हाला तालिबान प्रशासनाशी चांगले संबंध हवेत आणि आम्ही तालिबानसोबत संवाद साधत आहोत.

संयुक्त राष्ट्रात भारताचे प्रतिनिधी, राजदूत पार्वथानेनी हरीश यांनी सोमवारी अफगानिस्तानमधील संयुक्त राष्ट्र सहाय्य मिशन (यूएनएएमए) संदर्भातील संयुक्त राष्ट्र सुरक्षा बैठकीत सांगितले की, यावर्षीच्या सुरुवातीला भारताचे परराष्ट्र सचिव विक्रम मिस्री यांनी दुबईमध्ये अफगानिस्तानचे कार्यवाहक परराष्ट्र मंत्री मावलवी आमिर खान मुत्ताकी यांची भेट घेतली होती.

हरीश यांनी परिषदेत सांगितले, "दोन्ही पक्षांनी द्विपक्षीय संबंधांसह क्षेत्रीय विकासाशी संबंधित विविध मुद्द्यांवर चर्चा केली. अफगानपक्षाने अफगानिस्तानच्या लोकांशी संपर्क साधण्यासाठी आणि त्यांना समर्थन देण्यासाठी भारतीय नेतृत्वाची प्रशंसा केली आणि त्यांचे आभार मानले. येत्या काळात भारत मानवीय सहाय्य कार्यक्रमांच्या पलीकडे विकास प्रकल्पांमध्ये सहभागी होण्याचा विचार करेल."

जानेवारीमध्ये मिस्री आणि मुत्ताकी यांच्यात झालेली बैठक ही दिल्ली आणि तालिबान यांच्यातील आतापर्यंतची सर्वात उच्चस्तरीय बैठक होती. २०२१ मध्ये काबूलवर तालिबानचे नियंत्रण आले. हरीश यांनी यावर जोर दिला की भारत आणि अफगानिस्तान यांच्यात शतकानुशतकी संबंध आहेत. म्हणूनच शेजारी म्हणून भारत आणि अफगानिस्तानच्या लोकांमध्ये एक विशेष संबंध आहे, आणि हाच दोन्ही देशाच्या संबंधांचा पाया आहे.

हरीश यांनी सांगितले की, भारत अफगानिस्तानच्या परिस्थितीवर बारकाईने लक्ष ठेवून आहे. देशातील स्थिरता आणि शांतता राखण्यासाठी क्षेत्रीय आणि आंतरराष्ट्रीय प्रयत्नांमध्ये भारत सक्रियपणे सहभागी झाला आहे. भारताचा व्यापक दृष्टिकोन म्हणजे अफगानिस्तानच्या लोकांना मानवीय सहाय्य देणे, अफगानिस्तानमधील प्रत्यक्ष अधिकारधारक आणि आंतरराष्ट्रीय समुदाय यांच्यात विविध मुद्द्यांचे समाधान करण्यासाठी संयुक्त राष्ट्रांच्या अंतर्गत एक आंतरराष्ट्रीय सहमती निर्माण करणे आहे."

पुढे त्यांनी सांगितले की, दोहा, मॉस्को फॉर्मेट आणि अन्य मंचांवर संयुक्त राष्ट्राच्या बैठकीत भारताचा सहभाग अफगानिस्तानमधील शांतता, स्थिरता आणि विकास सुरक्षित करण्यासाठी आपले प्रयत्न दर्शवितो. भारताने संयुक्त राष्ट्रसंस्थेला सांगितले की, आरोग्य, अन्न सुरक्षा, शिक्षण, खेळ आणि क्षमता निर्माण या क्षेत्रांमध्ये अफगान लोकांना सहाय्य देण्यासाठी विविध संयुक्त राष्ट्र एजन्सींसोबत काम करत आहेत.

'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा -

Awaz Marathi WhatsApp Group
Awaz Marathi Facebook Page

Awaz Marathi Twitter