कतारचे अमिर शेख तमीम बिन हमद अल थानी यांची दमास्कसला भेट

Story by आवाज़ मराठी | Published by Fazal Pathan • 12 h ago

कतारचे अमीर शेख तमीम बिन हमाद अल थानी सीरियाचे हंगामी अध्यक्ष अहमद अल-शारा

कतारचे अमिर शेख तमीम बिन हमद अल थानी यांनी दमास्कस येथे सिरियाच्या एकात्मता, सार्वभौमत्व आणि स्वातंत्र्याला समर्थन दिले आहे. अल थानी यांनी गुरुवारी सिरियाच्या अंतरिम अध्यक्ष अहमद अल-शारा यांची भेट घेतली. यावेळी त्यांनी सिरियाच्या सद्य परिस्थितीवर चर्चा केली. शिवाय सिरिया आणि कतारचे द्विपक्षीय संबंध मजबूत करण्याच्या उद्देशाने उपाययोजना, संयुक्त हिताच्या क्षेत्रीय आणि आंतरराष्ट्रीय मुद्द्यांवरही चर्चा केली.

सिरियाच्या स्थिरता, पुनर्निर्माण आणि शाश्वत विकासासाठी सर्व घटकांचे प्रतिनिधित्व करणाऱ्या सरकार आवश्यक असल्याचे अल थानी यांनी सांगितले. एक्सिन्हुआ न्यूज एजन्सीच्या रिपोर्टनुसार, अल थानी यांनी सिरियाच्या लोकांना एकता, न्याय आणि स्वातंत्र्याच्या दिशेने पाठिंबा देण्याची कतारची वचनबद्धता पुन्हा एकदा अधोरेखित केली आहे.

अल-शारा यांनी कतारच्या भूमिकेसाठी आणि सातत्यपूर्ण समर्थनासाठी आभार व्यक्त केले. त्यांनी पुढील काळात दोन्ही देशांदरम्यान विविध क्षेत्रांमध्ये धोरणात्मक सहकार्य होईल, असे सांगितले.

गुरुवारी अल थानी यांनी सोशल मीडिया प्लॅटफॉर्म 'X' वर पोस्ट केले की, “ही भेट सिरियाच्या उज्ज्वल भविष्याबद्दल आणि दोन राष्ट्रांमधील बंधुत्वाचे संबंध दृढ करण्याच्या दृष्टीने सकारात्मकता चर्चा झाली.”

सिरियाच्या सरकारमध्ये डिसेंबर महिन्यात झालेल्या बदलानंतर अल थानींची दमास्कसमध्ये ही पहिली भेट आहे. या भेटीचा उद्देश सिरियाच्या अंतरिम प्रशासनाने अनेक वर्षांच्या विलगीकरणानंतर क्षेत्रीय देशांशी संबंध पुनर्निर्मित करण्याचा आहे.

काही दिवसांपूर्वी कतारचे पंतप्रधान आणि परराष्ट्रमंत्री शेख मोहम्मद बिन अब्दुलरहमान अल थानी यांनीही दमास्कसला भेट दिली होती. या भेटीनंतर सिरियाच्या आणि कतारच्या अधिकार्‍यांमध्ये काही बैठकांचा धडाका सुरू झाला आहे.

कतारचे पंतप्रधान आणि परराष्ट्रमंत्री यांनी इराणचे परराष्ट्र मंत्री सय्यद अब्बास अराघची यांची भेट घेतली. या भेटीमध्ये द्विपक्षीय संबंध आणि सिरियातील ताज्या घडामोडींवर चर्चा झाली. कतारने क्षेत्रीय संघर्ष सोडवण्यासाठी आपले प्रयत्न पुन्हा एकदा स्पष्ट केले. शांति आणि स्थैर्य प्रस्थापित करण्यासाठी क्षेत्रीय भागीदारांबरोबर सहकार्य करण्यावर जोर दिला.

कतारच्या परराष्ट्र मंत्रालयाने सिरियाच्या एकात्मतेच्या दिशेने एक सशक्त आणि एकजुट राष्ट्रीय सैन्याची आवश्यकता सांगितली. मंत्रालयाने म्हटले की, एकसंध सैन्य हे सिरियाच्या सार्वभौमत्व, स्वातंत्र्य आणि भौगोलिक अखंडतेचे संरक्षण करण्यासाठी अत्यंत आवश्यक आहे. तसेच एक व्यापक राजकीय प्रक्रियेच्या माध्यमातून शांततापूर्ण संक्रमणासाठी महत्त्वपूर्ण आहे.

'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा -

Awaz Marathi WhatsApp Group
Awaz Marathi Facebook Page

Awaz Marathi Twitter