ईशान्य भारतातील काही फुटीरतावादी गटांना बांगलादेशात आश्रय देण्यात आला. शस्त्रेही पुरवण्यात येत होती. शेख हसीना निवडून आल्यानंतर ते सगळं जवळपास बंद झालं. खलिदा झिया आणि 'जमात'चा वाढता प्रभाव भारतासाठी आणि बांगलादेशातील अल्पसंख्याक हिंदू आणि बौद्धांसाठी चिंतेची बाब आहे. ऑगस्टनंतर ढाका व इतर शहरात हिंदूंवर हल्ले करण्यात आले. दास यांना पोलिसांनी सोमवारी ढाका विमानतळावर पकडले. ते चट्टोग्रामला जात होते. त्यांच्या अटकेच्या विरोधात ढाका व अन्य काही शहरात हिंदू समाजाने निदर्शने केली. ऑक्टोबर महिन्यात चट्टोग्राम येथे झालेल्या एका सभेत दास यांनी राष्ट्रध्वजाचा अपमान केला असल्याचा बांगलादेशचा आरोप आहे. त्यांच्याविरोधात 'देशद्रोहा'चा आरोप ठेवण्यात आला आहे. एकूणच बांगला देश व पाकिस्तान या दोन्ही देशांतील घटना चिंताजनक आहेत. दोन्ही सरकारांनी त्यांच्या देशात शांतता निर्माण होईल व अल्पसंख्यांकांना संरक्षण मिळेल, याची तातडीने व्यवस्था करण्याची आवश्यकता आहे. 

'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा  -

Awaz Marathi WhatsApp Group 
Awaz Marathi Facebook Page

Awaz Marathi Twitter