आज, १  एप्रिल २०२३  पासून, नवीन आर्थिक वर्षाच्या सुरुवातीला, तुम्हाला LPG सिलिंडरच्या किंमती कमी झाल्याची आनंदाची बातमी ऐकायला मिळाली आहे. पेट्रोलियम कंपन्या प्रत्येक नवीन महिन्याच्या पहिल्या तारखेला एलपीजी, एटीएफ, केरोसीन तेल इत्यादींच्या किंमतींचा आढावा घेतात आणि त्यात बदल करतात.

व्यावसायिक सिलिंडरच्या किंमती कमी केल्या:

पेट्रोलियम कंपन्यांनी आज नवीन आर्थिक वर्षाच्या पहिल्या दिवशी एलपीजी सिलिंडरच्या किंमतीत कपात केली असून ही कपात व्यावसायिक सिलिंडरच्या किंमतीत करण्यात आली आहे.

१९  किलोच्या व्यावसायिक गॅस सिलेंडरच्या किंमतीत आज ९२  रुपयांनी कपात करण्यात आली आहे. दिल्ली, मुंबई, कोलकाता, चेन्नई या सर्व शहरांमध्ये व्यावसायिक गॅस सिलिंडरच्या दरात कपात करण्यात आली असून ते स्वस्त झाले आहेत.

तुमच्या शहरातील एलपीजीची नवीन किंमत जाणून घ्या:

दिल्ली - २०२८.००  

कोलकाता - २१३२.०० 

मुंबई - १९८०.०० 

चेन्नई - २१९२.०० 

तुमच्या शहरातील एलपीजीची जुनी किंमत जाणून घ्या:

दिल्ली - २११९.५० 

कोलकाता - २२२१.५०

मुंबई - २०७१.५० 

चेन्नई - २२६८.०० 

 

घरगुती गॅस सिलिंडरच्या दरात कोणताही बदल नाही:

घरगुती एलपीजी सिलिंडरच्या किंमतीत कोणताही बदल करण्यात आलेला नाही आणि त्याच्या किंमतीत पूर्वीप्रमाणेच स्थिर आहेत.

दिल्लीत घरगुती एलपीजी सिलेंडरची किंमत ११०३ रुपये प्रति सिलेंडर आहे. १४.२  किलोचा घरगुती गॅस सिलिंडर गेल्या महिन्यात ५० रुपयांनी तर १९ किलोचा व्यावसायिक गॅस सिलिंडर ३५० रुपयांनी महागला होता.

जाणून घ्या LPG च्या किंमती किती कमी झाल्या आहेत:

आजपासून दिल्लीत व्यावसायिक एलपीजी सिलिंडर ९१.५  रुपये स्वस्त होऊन आता तो २०२८ रुपयांना उपलब्ध होणार आहे. तर कोलकातामध्ये एलपीजी सिलिंडर २१३२  रुपयांना मिळणार असून, 89.5 रुपयांनी स्वस्त झाला आहे.

दुसरीकडे, आर्थिक राजधानी मुंबईत, एलपीजी सिलिंडर ९१.५०  रुपयांनी स्वस्त होईल आणि १९८० रुपयांना उपलब्ध होईल, म्हणजेच त्याची किंमत २०००  रुपयांच्या खाली आली आहे. तर चेन्नईमध्ये एलपीजी सिलिंडर ७५.५  रुपयांनी स्वस्त होऊन २१९२.५० रुपयांना मिळणार आहे.