फडणवीसांच्या मंत्रिमंडळात मुस्लीम आमदाराची वर्णी

Story by आवाज़ मराठी | Published by Pradnya Shinde • 6 h ago

Maharashtra Cabinet Ministers

देवेंद्र फडणवीस यांच्या मंत्रिमंडळात जातीनिहाय समीकरण साधल्याचे दिसत आहे. हसन मुश्रीफ यांच्या रूपाने एकमेव मुस्लीम चेहरा मंत्रिमंडळात असेल. १६ मराठा, १७ ओबीसी चेहरे मंत्रिमंडळात आहेत. देवेंद्र फडणवीस यांच्या नेतृत्वातील महायुती सरकारचा मंत्रिमंडळ विस्तार रविवार पार पडला. ३३ कॅबिनेट आणि ६ राज्यामंत्र्यांनी शपथ घेतली. एकनाथ शिंदे, अजित पवार आणि देवेंद्र फडणवीस यांच्यासह मंत्रिमंडळात ४२ मंत्री झाले आहेत. मंत्रिमंडळ विस्तारात महायुतीमधील अनेक दिग्गजांना डच्चू देण्यात आला. यामध्ये मुनगंटीवार, भुजबळ आणि केसरकर यांचा समावेश आहे. नितेश राणे, माधुरी मिसाळ, भरत गोगावले यांच्यासह २० नवे चेहरे मंत्रिमंडळात आहेत.

फडणवीस सरकारच्या मंत्रिमंडळात मराठा आणि ओबीसी समजाला तुल्यबल स्थान देण्यात आले. ४२ मंत्र्यांपैकी १६ मराठा तर १७ ओबीसींच्या विविध जातींचे मंत्री आहेत. कोल्हापूरमधील हसन मुश्रीफ यांच्या रूपाने एकमेव मुस्लिम चेहरा मंत्रिमंडळात आहे. तर देवेंद्र फडणवीस यांच्यासह दोन ब्राह्मण समाजाचे मंत्री असतील. कुणबी समाजाचे तीन, बंजारा समाजाचे दोन, वंजारी समाजाचे तीन मंत्री आहेत.

मराठा समाजाचे मंत्री कोण कोण :

१) राधाकृष्ण विखे पाटील

२) चंद्रकांत पाटील

३) नितेश राणे

४) शिवेंद्रराजे भोसले

५) मेघना बोर्डीकर

६) आशिष शेलार

७) एकनाथ शिंदे

८) शंभूराज देसाई

९) योगेश कदम

१०) भरत गोगावले

११) प्रकाश आबिटकर