देशात 'मंकीपॉक्स'चा पहिला संशयित रुग्ण सापडल्याच्या पार्श्वभूमीवर केंद्र सरकारने राज्यांना सावधगिरीचा इशारा दिला आहे. त्या पार्श्वभूमीवर आज मार्गदर्शक तत्त्वेही जारी करण्यात आली आहेत. या विषाणूची लागण झालेल्या पहिल्या संशयित रुग्णाला विलगीकरणात ठेवण्यात आले असून सध्या त्याची प्रकृती स्थिर असल्याचे आरोग्य मंत्रालयाकडून सांगण्यात आले आहे. मंकीपॉक्सचे संशयित रुग्ण तसेच त्यांच्या संपर्कात आलेल्या लोकांचा शोध घेण्याचे निर्देश आरोग्य मंत्रालयाकडून देण्यात आले आहेत. परदेशातून आलेल्या एका व्यक्तीमध्ये मंकीपॉक्सची लक्षणे दिसून आली होती. संबंधित व्यक्तीचे नमुने तपासणीसाठी प्रयोगशाळेत पाठविण्यात आले आहेत. या व्यक्तीच्या संपर्कात आलेल्या अन्य लोकांचाही शोध घेण्यात आला आहे.

• स्थानिक अधिकाऱ्यांनी तयारीचा आढावा घ्यावा
• संबंधित रुग्णालयामध्ये पुरेसे कर्मचारी नेमावेत
• 'आयडीएसपी' अंतर्गत युनिट मजबूत केले जावे
• संशयित रुग्णांचे तातडीने विलगीकरण करावे
• एचआयव्हीची बाधा झालेल्या रुग्णांवर लक्ष ठेवावे

  ---

  'आवाज मराठी'वर प्रसिद्ध होणारे लेखन, व्हिडिओज आणि उपक्रम यांविषयीचे अपडेट्स मिळवण्यासाठी या लिंक्सवर क्लिक करा  -

  Awaz Marathi WhatsApp Group 
  Awaz Marathi Facebook Page

  Awaz Marathi Twitter